Бұл туралы 4 қараша күні республиканың қаржы министрі Нодар Хадури мәлім етті, деп хабарлады ИТАР-ТАСС.
«Мұндай аса үлкен емес және кедей елдің президентінде осыншама көп резиденция, тікұшақтар және ұшақтар болмауы тиіс. Және оларды күтіп ұстауға бюджеттен айтқысыз сомалар шығындалмауы қажет», — деп мәлімдеді «Маэстро» телекомпаниясының эфирінде Хадури.
«Саакашвили президенттіктің алғашқы жылдарында (2004-2005 жж.) бюджеттік қаражатты үнемдеп жұмсаудың қажеттігі туралы бірнеше мәрте айтқан болатын, бірақ оны кейін ұмытты», — деп атап өтті ол.
Грузия премьер-министрі Бидзина Иванишвили жұма күні Саакашвилиді «резиденттік сарайдан кетуге және мемлекеттік канцелярияға оралуға» шақырды. Бұл ретте Хадури 12 қабатты мемлекеттік канцелярияда «президентке бүтін бір қабат тиесілі екендігін және онда жұмыс істеуге барлық жағдайлар жасалғандығын» нұсқады.
«Президенттің Тбилисидегі сәнді сарайы келешекте мемлекет басшысының резиденциясы болмайды. Бұл сарай және өзге де резиденциялар егер олар жекеменшік компанияларға берілген жағдайда қонақүйлер бола алады», — деді министр.
