Сәбиді кемі екі жасқа келгенше емізу анаға да, балаға да пайдалы. Әсіресе, ему кезінде баланың бүкіл ағзасы жұмыс істейді екен. Бастағы қан айналымы жақсарып, жақ сүйектері мен ауыздағы бұлшық еттері тез жетіледі. Емізу процесінің де өзіндік ережелері бар. Елімізде алтыншы рет өтіп отырған шараға қатысушы жас аналар бір-бірімен тәжірибе алмасты. Жалпы апталық әлем бойынша 22 жылдан өтіп келеді. Қазақ келіншектері де бұдан қалыс қалған емес.
Мария Иванова, Алматы қаласының тұрғыны:
— Елімізде емшектегі баласы бар жұмысбасты аналарға жарты сағаттық үзіліс қарастырылған. 1 жарым жасқа толмаған баласы болса, әр 3 сағат сайын үзіліске шығуға құқылы. Күндіз алмаса, жұмыс күнін қысқартуына да болады. Яғни, аналарға барлық жағдай жасалған.