«Саламатты Қазақстанның» бүгінгі жетістіктері

Бүгін Астанада өткен жиында ҚР Денсаулық сақтау министрі Салидат Қайырбекова осылай айтты. Министр атап көрсеткендей, жоба аясында отандық денсаулық сақтау саласын реформалаудың нақты жетістіктері мынадай: - денсаулық сақтау саласын қаржыландырудың прогрессивтік әдістері енгізілуде; - денсаулық сақтау саласының 3 мыңнан астам менеджері оқытылып, еліміздің 35 емдеу мекемесінің өкілі Финляндияға барып, біліктіліктерін көтеріп қайтты; - денсаулық сақтау менеджерлері үшін Ұлыбританияның ұлттық кәсіби стандарттарына негізделген жаңа біліктілік талаптары әзірленді; - аурухана секторын қайта құрылымдау жоспары, денсаулық сақтау саласында мемлекеттік-жекеменшік серіктестікті дамыту тұжырымдамасы дайындалып жатыр; - денсаулық сақтау саласындағы сапа жөніндегі халықаралық қоғамдастық 2012 жылы ауруханаларды аккредиттеудің жаңартылған қазақстандық стандаттарына 2016 жылға дейін сертификат табыстады; - дәрігерлердің біліктіліктерін тәуелсіз бағалау үшін Республикалық білім және дағдылар орталығы құрылып, 6 медициналық жоғарғы оқу орны озық технологиялық оқыту симуляциялық құралғылармен жабдықталды; - азаматтарды дәрімен қамтамасыз етудің қолжетімділігін және сапасын арттыру бағытында үлкен жұмыстар атқарылды; - тағам қауіпсіздігі мәселелері бойынша заңнама үйлестіріліп, бақылау тиімділігін арттыру тетіктері әзірленді; «Мемлекет басшысының Қазақстан халқына арнаған «Әлеуметтік-экономикалық жаңғырту - Қазақстан дамуының басты бағыты» Жолдауында айтылған міндеттерді іске асыру шеңберінде, сондай-ақ денсаулық сақтау саласында жүргізіліп жатқан реформалардың маңыздылығын ескере отырып, Денсаулық сақтау министрлігі Қазақстан Республикасының денсаулық сақтау секторындағы технологияларды беру және институционалдық реформа жүргізу жөніндегі жобасының» мүмкіндіктерін барынша пайдалануды жоспарлап отыр», - дейді С.Қайырбекова.