Ол әншіге шетелде емес, елде ән айту керек екенін мәлімдеді, деп хабарлайды Сaravan.kz медиа порталы.
Бұл туралы ол өзінің желідегі парақшасында мәлімдеді.
«Димаш 31 жасқа толды. Осыған орай Астанада нағыз жеке басқа табыну рәсімін ұйымдастырды, бұл арқылы азаматтарға: міне, қараңыздар, біз мәдениет пен өнер қайраткерлерін қатты қадірлейміз дегенді ишаралайтындай. Әрине, егер олар өздерін тым жоғары санамаса, артық сөйлемесе, тіпті, ән айтпаған кезде мүлдем үнсіз болса – деп қосар едік өз тарапымыздан.
Димаш билік тарапынан еркелетілген, және бұған себеп бар. Ол дарынды, кішіпейіл, ұзақ уақыт бойы жастығын сақтап келді. Сонымен қатар халықтың сүйіктісі, стадиондарды толтырып концерт береді. Жастар үшін керемет үлгі.
Алайда уақыт өтіп жатыр. 31 жас – үміт кезеңі аяқталды, енді Димаш болашағына қатысты нақты стратегия туралы ойлануы тиіс. Әуесқой ән байқауларындағы жеңістерден және (мемлекет есебінен өткен, Тұрсыновтың фильмдері сияқты) Нью-Йорктегі концерттен кейінгі шарықтау кезеңі өтіп кетті. Қазақтар Димашты сүйіспеншілікпен «әлемдік жұлдыз» деп атайды, бірақ Димаштың өзі мен оның продюсерлері (егер ондайлар болса, және олардың бірі – автократтық әкесі емес пе деген күдік бар) бұл шындыққа жанаспайтынын түсінеді. Енді нағыз өнер иесі ретінде отанында қалудың жолын ойлайтын кез келді.
Өкінішке қарай, Димаштың жеке репертуары қалыптасқан жоқ. Бар болғаны – түрлі кавер-нұсқалар. Игорь Крутоймен серіктестік дұрыс болды ма, болмады ма – ол да еш нәтижесіз аяқталды. Бірде-бір альбом немесе сингл шықпады.
Димаштың тарихы – тым ұзаққа созылған экспозиция секілді, үнемі бір нәрсенің уәде етілуі, бірақ сол уәде орындалмай келе жатқандай. Және, шамасы, енді орындалмайтын да болар.
Музыкалық тұрғыдан маман болмасам да, меніңше, мұның бәрі «бақыт құсы» – яғни, әлемдік танымалдылықты қуудың кесірінен. Біреу осыны мақсат етіп қойып, жас дарынның бүкіл шығармашылық қуатын соған арнаған секілді. Бірақ қазіргі деңгейден артық ештеңе болмайды – бәрі YouTube-тегі мақтау пікірлер, түсініксіз фанат топтары мен өзге әндердің жаңа өңделген нұсқалары төңірегінде айнала бермек.
Ақырында, бекер кеткен шетелдік даңқтың соңында Димаш өзінің басты байлығы – ел ішіндегі махаббаттан айырылып қалуы мүмкін. Ол махаббат жай ғана өшеді. Димашқа үйге оралу керек! Жоқ, физикалық немесе материалдық түрде емес. Рухани, шығармашылық жағынан. Саммиттерде ән салу үшін емес, шын мәнінде ұлы өнер иесі ретінде қалыптасып, тарихта қалу үшін», — деп мәлімдеді журналист.