Сәуір айында еліміз бойынша орташа айлық жалақы мөлшері 10,7 пайыз өсті

Жалпы аталған кезеңде жалақының нақты көрсеткіші 2,2% артыпты.

Статистика агенттігінің ақпарына қарағанда, ең жоғарғы еңбекақыны (188 мың 600 теңге) бұрынғыша қаржы саласы мамандары мен сақтандыру секторы қызметкерлері алып отыр. Кен өндіру саласы мамандары — 155 мың 600 теңге, ғылым мен техника саласының қызметкерлері — 167 мың 400 теңге жалақы алады.
Ең төменгі еңбекақыны (34 мың теңге) ауыл шаруашылығы, балық және орман шаруашылығы қызметкерлері алады. Бұл елдегі жалақының орташа деңгейінен 59,1% кем, дейді мамандар.
Аймақтық тұрғыдан алғанда, ең жоғарғы жалақы мұнайлы Атырау облысында — 164 мың 400 теңге (орташа республикалық деңгейден 2 есе артық). Ең төменгі еңбекақы Солтүстік Қазақстан облысында — 53 мың 700 теңге, бұл орташа республикалық деңгейден 35,5% кем.