Агенттіктің келтірген мәліметтеріне қарағанда, экспорттық жеткізілімдерге бір айға баға жоғарылауы табиғи газға — 15 пайыз, көмірге — 14,5 пайыз, ферроқорытпаларға — 7,7 пайыз, алюминийге — 3,9 пайыз, мұнайға — 3,7 пайыз, мұнай өнімдеріне — 3,4 пайыз, мырышқа — 2,6 пайызға белгіленген. Ал бағаның төмендеуі сұйытылған пропан-бутанға — 1,5 пайыз, цементке — 1,1 пайыз шамасында болып тіркелді. Сонымен қатар, баға былғарыға — 14,2 пайыз, мақтаға — 13,8 пайыз, жүнге — 5,1 пайыз, темекіге — 0,6 пайызға жоғарылап, керісінше астыққа — 3,2 пайызға төмен болды.
Сонымен қатар, импорттық түсімдерден балық — 14,6 пайыз, кофе — 8,2 пайыз, сырлар мен лактар — 7,6 пайыз, дәрі-дәрмектер — 7,5 пайыз, құс еті — 5,2 пайыз, өсімдік майы — 3,1 пайыз, қант — 2,9 пайыз қымбаттаған. Ал бұнымен қатар маргарин — 9,1 пайызға, аяқкиім — 3,9 пайызға, шай — 1 пайызға арзандапты.