Сайттың жазуынша, оркестр Секеннің «Балауса», «Дарабоз», «Ақ жауын», «Ақжарма», «Көкбөрінің жортуы» т.б. күйлерін орындап, «Аққу сазы», «Ерке құсым», «Көктемім менің», «Қоңыр қаз», «Шағала» т.б. әндерін орындады. Әр концерттік нөмірді орындау алдында композитордың өзі шығарма жайлы шағын анықтама беріп отырды. Бұдан өзге шетелдің, қазақтың композиторларының туындылары да шалқыды.
Композитордың өзі залдағы көрермендердің сұрауымен әйгілі «Көңіл толқыны» күйін күмбірлетті. Концерт соңынан Үржар ауданының әкімі Бауыржан Жанақов мәртебелі мейманға жерлестері атынан алғыс білдіріп, шапан жауып, сый-сияпат жасады.
