Семейде қалыңдықтар парады өтті

Қала орталығында өткен парадқа қалыңдық киімін киген жүзден астам бойжеткен мен жасы екіден асқан қыз балалар да қатысты.

Оларға карета, үш лимузин, алты «Мерседес» пен 20 мотоциклден тұратын той кортежі қызмет көрсетті.
«Семей — қалыңдықтар қаласы!» деген ұранмен өткізіліп отырған шараның мақсаты — неке және отбасы институтын нығайту, жастар арасында ұлттық, патриоттық және басқа да мәдени құндылықтарды насихаттап, оларды көп ұлтты Қазақстанның салт-дәстүрлеріне құрметпен қарауға баулу» — дейді ұйымдастырушылар.