Естеріңізге сала кетсек, осыдан бір апта бұрын орталық алаңның қайтадан жөндеуге жабылатынын естіген тұрғындар шу көтерген еді. Ал әкімдіктің жоспарынша, былтыр ғана жөндеуден өткен алаң енді қиратылып, орнына алып субұрқағы бой көтеруі тиіс. Билік өкілдері 30 жыл бойы алаңды көмкере жайқалып тұрған шыршаларды да отауға бел буып отыр. Жаңа су бұрқағы ел тәуелсіздігі мен Семей ядролық полигонының жабылуына 20 жыл толуы құрметіне жасалмақ. Бірақ жасыл-желекті шауып, қала сәулетіне мұндай өзгеріс енгізуге, әсіресе, қала жастары наразы. Әкімдік әрекетіне тосқауыл қою үшін олар шыршаларды қоршап тұрмақшы болды. Алайда студенттерді елеп жатқан ешкім жоқ..
Илья Бороховский, бастамашыл топтың өкілі:
-Экскаватордың жолын бөгемек болдық. Бұлалаңда жөндеу жұмыстарына қарсы наразылық шарасына шығамыз деп тиісті орындарға ескерткенбіз. Бірақ бізді тыңдап жатқан ешкім жоқ. Полицияның әкімдік әмірімен жеткені айдан анық.
