Жарияланды: 4000

Семейде тұңғыш рет 13 жастағы мектеп оқушысының жүкті болу оқиғасы тіркелді

Семейде тұңғыш рет 13 жастағы мектеп оқушысының жүкті болу оқиғасы тіркелді. Бұл туралы KZ-today тілшісіне Семей перинатальды орталығының ординатолог-дәрігері Наталья Мальцева хабарлады.

Оның айтуынша, жүктілік мерзімі 8 айға толған әлгі оқушы қыз осыдан бір ай бұрын орталық көмегіне жүгінген. Н.Мальцеваның айтуынша, жайсыз отбасынан шыққан қыз санаулы күндерде босануы тиіс. "Қыз 11-12 жасынан жыныстық қатынасқа түскен. Әрине, қыздың ағзасы да, өзі де ана болуға дайын емес болғандықтан одан дені дұрыс бала туады деп күтуге негіз жоқ",- дейді Н.Мальцева. Ол осы орайда қазір 14-16 жас аралығындағы қыздар арасында жүкті болу оқиғалары жиілеп кеткенін, соған қарамастан олардың әлеуметтік және физиологиялық тұрғыдан мұндай жауапкершілікке дайын емес екенін атап көрсетті. Олардың тіпті баланы дұрыс бағып-күтуге де шамасы мен қабілеті жетіспейді деді Н.Мальцева.

Пікір қалдырыңыз

Пікір қалдыру тіркелген пайдаланушылар ғана мүмкін