Сенат АҚШ пен ҚР-ның қару түрлерін азайту жөніндегі орталықтары арасында қорғалған байланыс желісін құру туралы Келісімді бекітті

Заң жобасын таныстырған ҚР қорғаныс министрінің орынбасары Абай Тасболатовтың айтуынша, келісім екі ел үкіметтерінің атынан және олардың жіті бақылауы астында қару түрлерін жоятын мерзімі мен орны, жойылуға тиіс зымырандар және оларды іске қосу қондырғылары туралы, сондай-ақ бұдан басқа да ақпаратпен алмасушы ұлттық орталықтар арасында қорғалған үздіксіз байланыс желісін орнату, оны жұмыс жағдайында ұстау және пайдалану тәртіптерін айқындайды.

Вице-министрдің айтуынша, құжаттағы ережелер дүниежүзіндегі бейбітшілік пен қауіпсіздік мүддесіне сәйкеседі, ал келісімді жүзеге асыру — халықаралық келісімдер аясында қару-жарақтарға бақылау қою тиімділігін арттыруға түрткі болады деп атап көрсетті.
Ұлттық орталықтар арасындағы үздіксіз байланыс желісін құру және оған қызмет көрсету шаралары АҚШ жағының есебінен қаржыландырылады.
Заң мемлекет басшысының қол қоюына жіберілді.