«Орталық сайлау комиссияының мәліметінше, 12 тамыздағы жағдаймен Қазақстан Республикасының парламенті сенатының депутаттығына 27 үміткердің аты ұсынылды. Соның ішінде Ақтөбе облысынан 4 адам, Атырау облысынан — 4, Қарағанды облысынан — 6, Солтүстік Қазақстан облысынан — 1 , Шығыс Қазақстан облысынан — 2, Оңтүстік Қазақстан облысынан — 5, Алматы қаласынан — 5 адамның аты ұсынылды», -деп хабарлайды ОСК.
Үміткерлердің бесеуін- мәслихаттар ұсынса, 22 адам өзін-өзі ұсыну құқығын пайдаланды. Үміткерлердің арасында бір әйел бар, 27 үміткердің үшеуі — қазіргі сенат депутаттары.
Үміткерлердің арасынан 8 адам — «Нұр Отан» партиясының мүшелері, 11 -і партияда жоқ, 8 адам өздерінің партияға қарастылығын көрсетпеген.
Бұдан бұрын да хабарлағанымыздай, үміткерлердің атын ұсыну 3 қыркүйеккке дейін созылады. Парламент сенатының депутаттары 4 қазанда сайланады.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті