Жарияланды: 470

Сенаторлар салық заңнамасына енгізілетін өзгерістер туралы заң жобасын екі оқылымда қарап, түзетулермен мәжіліске қайтарды

Бүгін, 27-қарашада өткен жалпы отырыста сенат депутаттары ҚР салық Кодексінің мұнай операцияларына салық салу жөніндегі бөліміне шетелдерге шығарылатын мұнайға ренталық салық салу туралы өзгертулер енгізу жөніндегі "Қазақстан Республикасының салық мәселесіне қатысты кейбір заңдық актілеріне өзгертулер мен толықтырулар енгізу жөніндегі" заң жобасын екі оқылымда қарады. Заң жобасына сенаторлар енгізген түзету мәжілістің қарауына жіберілді,- деп

хабарлайды KZ-today тілшісі республика Елордасынан. Бұдан бұрын да хабарлағанымыздай, Ренталық салық тек жер қойнауын пайдалануға жасалған жаңа келісім-шарттарына қатысты, ал бұрынғы барлық келісім-шарттары сол қол қойылған кезде күшінде болған заңдарға бағынады. Экспорттық мұнайға салынатын ренталық салықты есептеу базасы ретінде экспортталатын мұнайдың құны алынады. Ал ол өз кезегінде шетелдерде іс жүзінде сатылатын мұнай көлемі мен рыноктағы бағаға сәйкес белгіленеді. Бұл орайда мұнайдың сапалық сипаттамалары мен оны сатуға қатысты шығындар алып тасталады. Ренталық салықтың ставкасы бір баррель мұнай 19 долларға бағаланған жағдайда 1 процентті құраса, баға 40 доллар немесе одан жоғары болған жағдайда 33 процентке дейін сырғымалы шкала бойынша белгіленеді. Сондай-ақ, бүгін сенаторлардың ұсынысымен заң жобасына мұнай химиясы өнеркәсібіне 30 млн. доллардан кем емес мөлшерде инвестиция енгізген инвесторларға корпоративтік кіріс салығынан жеңілдіктер қарастырылған жаңа норма енгізілді. Осы және басқа да сенаторлар енгізген түзетулерді қарауға бағытталған мәжілістің жалпы отырысы бүгін өтеді.

Пікір қалдырыңыз

Пікір қалдыру тіркелген пайдаланушылар ғана мүмкін