Серік Ахметовтің ісінде інісі Беріктің қатысы бар ма?

Бүгін Қарағандыда Серік Ахметовке қатысты 6 эпизодтың екіншісі бойыншы сот отырысы басталды. Онда бұрынғы премьер-министрге тендерлерде інісі Берік Ахметовтың зауыттарының мүддесін жақтады деген айып тағылуда. Оның бауыры қала көшелерін жарықтандыруға қажет бағаналар шығаратын кәсіпорынның иесі екенін айта кетейік.

Осы эпизод бойынша тағы 6 шенеунік жауапқа тартылды. Ал куәгерлердің бірі қазіргі әкім аппаратының жетекшісі болса, екіншісі Қарағанды облысы басшысының орынбасары. Алайда прокурорларға олардың пайдасы тимеді. Сот отырысы судьялардың сөз таласына айналды. Төрағалық еткен судья адвокаттардың да, айыптаушы жақтың да сұрауын қанағаттандырмай қойды. Тіпті, куәгерлерге де ауыз аштырмады.

</br>