Айта кетейік, Нияз Сүндетәлиев 2016 жылдың ақпан айында Аружан Саинның «Милосердие» қоғамдық қорына 5 млн теңге аударып, қазақстандықтар арасында танымал болған. Сал ауруымен ауыратын Нияз өзінің емделуіне жиналған қаражатты қайырымдылық қорына аударғаны туралы БАҚ хабарлаған еді.
Н. Сүндетәлиевтің айтуынша, екі жыл бұрын Серік Сәпиев Ниязға қолдау танытып, видео жолдаған. «Бүгінгі іс соның жалғасы болды», — дейді ол.
«Серік Сәпиев маған қолтаңбасы бар бокс қолғабын беріп жіберіпті. Бұл күтпеген тосынсый болды. Үлкен рахмет. Кеше мен шынымен бақытты болдым», — деп жазды ол Фейсбук әлеуметтік желісіндегі жеке парақшасында.
