Жас спортшылар былғары қолғап шеберін жақсы қарсы алды. Суретке түсіп, қолтаңба алды. Ертіс өңірінде бүгінгі күні мыңнан астам жас бокспен айналысады. Спортшыларға қолдау көрсету мақсатында өңірде көпсалалық спорт кешені салынған. Лондон Олимпиадасының жеңімпазы, әлемнің екі дүркін чемпионы Серік Сәпиев болашақ былғары қолғап шеберлері жаттығатын бокс залымен танысып, аймақтағы спорттың дамуына өз бағасын берді.
«Біздің кезімізде осындай жағдай болмаған. Павлодарда спорт кешені салынған, жағдай жасалған. Қажеттінің бәрі бар. Осы балалардың ішінен чемпиондар шығады деп сенемін», — деді Олимпиада чемпионы Серік Сәпиев.
