Бекжан ӘшірбаевТөлжанбек Жақсыбаев пен Мақпал НұржанқызыБұл кеште әнмен қатар поэзияға да орын берілді, деп хабарлайды Caravan.kz тілшісі. Думанды шараның басқа концерттерден ерекшелігі де сонда. Соңғы кездері поэзияға деген қызығушылықтың төмендеп кеткені жасырын емес. «Жеті нота» — осы олқылықтың орнын толтыру мақсатында ашылған бірегей жоба.
Әдемі кешке Лұқпан Жолдасов, Мұқасан Шахзадаев, Тоқтар мен Бейбіт, Роза Әлқожа, Өмірқұл Айниязов, Серікбол Сайлаубек сынды танымал әншілермен қатар ән әлеміне енді қадам басқан жас өрендер де өнер көрсетті. Айтқандай, Серікбол Сайлаубек қолын қатты жарақаттап алыпты. Соған қарамастан концертке келіп, тіпті билеп тұрып ән салды. «Қолды қоя берші. Бас аман болсын. Биді айтсаңдаршы, биді!» деді ол сахнада тұрып.
Серікбол СайлаубекЖоғарыда айтқанымыздай, арасында өлең де оқылды. Ақындар Ғалым Жайлыбай, Әлібек Шегебай, Бекжан Әшірбаев, Саят Қамшыгер және Зәмзә Қоңырова жырдан шашу шашты.
Ғалым ЖайлыбайСондай-ақ, кеш барысында біраз азаматтарға медаль табысталды. Мысалы, «Жеті нотаға» қолдау көрсеткен өнер жанашырлары Сабыржан Молдаханов «Алтын қыранды» алса, Дайрабай Үсіпбаев «Ел ардақтысын» иеленді.
Өнер жанашыры Сабыржан Молдахановқа "Алтын қыран" медалін қоғам қайраткері Амалбек Тшанов тапсырды Дайрабай Үсіпбаевты да Амалбек Тшанов марапаттадыАктриса, әнші Жұлдызай Дүйсенбиева халықаралық "Мәдениет майталманы" медалін алды Ал әнші Лұқпан Жолдасовқа "Өнер жұлдызы" медалі берілдіОсылайша, «Көршінің қызының» авторы ұйымдастырған концерт керемет өтті. Бекжан Әшірбаев келесі «Жеті нотаны» алдағы жылдың 7 сәуіріне жоспарлап қойғанын жеткізді.
Тоқтар мен Бейбіт Бекжан Әшірбаевтың "Көршінің қызы" әнін орындадыМұқасан Шахзадаева
Мақсат Базарбаев
Өмірқұл Айниязов
Республика сарайында тыңдарман толып отырды