«Шахтер» футбол клубы сатылымға шығарылды

«Футбол клубын электронды коммерциялық тендер әдісімен сату жоспарланып отыр. оның негізгі шарты – клубтың қызмет саласын сақтап қалу болмақ. Бастапқы бағасы 214 млн 872 мың теңге. Сауда-саттық желтоқсанның екісінде басталады. Жалпы, бұл әлемде бар тәжірибе. Клубтың дұрыс, мықты жұмыс істеуіне, турнирлерде жеңімпаз атанып, бәсекелестік тудыруына жағдай жасай алатын инвесторлар бар», – деп «Интерфакс-Қазақстан» агенттігіне Қарағанды облыстық әкімдігінің Мемлекеттік активтер мен сатып алулар басқармасынан хабарлады.
Айтуларынша, 2014 жылы облыста 7 нысан жекешелендірілмек.
«Соның ішінде, «Қарағанды» волейбол клубы (бастапқы бағасы 20 млн 593 мың теңге), «Тұлпар» мини-футбол клубы (10 млн 492 мың тг), «Сарыарқа» хоккей клуб (77 млн 554 мың тг) сатуға қойылып отыр. Тендер 14-қараша күні мемлекеттік мүлік реестрінің www.gosreestr.kz веб-порталы арқылы өткізіледі», — дейді басқарма өкілі.


Жалпы, жекешелендірудің аталған астысында Қарағанды облысы бойынша 50 ұйым сатылады. Ұйымдардың құны нарықтағы бағаға сәйкес белгіленді.
«Шахтер» ФК – Қазақстан тарихында УЕФА-ның Еуропа Лигасына өткен тұңғыш команда. 2012-2013 жылдардағы іріктеу сындарында қарағандылық команда словениялық «Копер», ирландиялық «Сент-Патрикс Атлетик» командаларын жеңіп, чехтың «Слован», Шотландияның «Селтик» командаларымен жарысқа түскен болатын.