Бұл туралы хабар жергілікті сайттардың біріне шыққан. Медаль 220 мың теңгеге бағаланыпты. Бірақ жарнама ұзақ тұрмады. Ал оны сатпақ болған жас жігіт алтын медаль атасынан мұраға қалғанын айтуда. Футбол клубының басшылығы да 2011 жылғы чемпионат соңында медальдарды үлестіру кезінде біраз келеңсіздіктердің болғанын жасырмады. Он шақты данасын «сыйлы аға-көкелерге» табыстауға тура келіпті. Ал медаль жетпей қалған ойыншыларға, қосымша тапсырыс беріп алынған. Жалпы, «Шахтер» футбол клубының тағы да ел біріншілігінде топ жарып, алтын жүлдеге қол жетукізулері екіталай. Команда турнир тізімінің ең соңында тұр. Ал аяқдоп шеберлері соңғы екі ай бойы жалақы көрмеген. Аймақ бюджетінен бөлінген қаражат баяғыда-ақ таусылыпты.