«Шахтер» футбол командасының бас жаттықтырушысының жұмысынан кетуінің басты себебі - ел чемпионатында төменгі нәтиже көрсетуінен

Қарағандылық «Шахтер» клубының бас жаттықтырушысы Владимир Чебуриннің жұмыстан кетуінің себебі футбол клубының Қазақстан чемпионатында төменгі нәтижелер көрсеткенінен болды. Бұл туралы «Шахтер» ФК баспасөз қызметі таратқан ақпаратта айтылған.

«Қарағанды облыстық туризм, дене тәрбиесі және спорт басқармасы» ММ шешіміне сәйкес В.Чебурин жұма күні, қазанның 15-інде «Шахтер» командасының бас жаттықтырушысы лауазымынан босатылды.

«Маусым аяқталғанға дейін команданың бас жаттықтырушысы міндетін «Шахтер» ФК атқарушы директоры Асқар Әбілдаев атқарады», — деп хабарлайды клубтың баспасөз қызметі.