Қазақстан кубогы кеншілер үшін келер жылы еурокубоктарда өнер көрсетуге жолдама алудың соңғы мүмкіндігі еді. Биылғы жылы қарағандылықтар Еуропада толағай табыстарға қол жеткізгені баршамызға аян. Елбасы Нұрсұлтан Назарбаевтың көз алдында намысқа тырысқан «Шахтер» сол мүмкіндікті мүлт жібермеді. Сондай-ақ матчты тамашалауға УЕФА басшысы Мишель Платинидің де келгенін атап өту қажет.
Матч 1:0 есебімен аяқталды. Жалғыз доптың авторы — Қазақстан құрамасының шабуылшысы Сергей Хижниченко.
Бүгінгі матчта ел кубогымен қатар кеншілер 2014/2015 жылдардағы маусымда Еуропа лигасына жолдама ұтып алды.
«Тараз» — «Шахтер» 0:1 (0:0)
Гол: Хижниченко 53 (0:1).
