24.kz порталының хабарлауынша, жекпе-жек Астанадағы «Сарыарқа» велотрегінде өтеді. Оның алғашқы қарсыласы ешқашан жеңіліп көрмеген фин боксшысы – Ева Вальстрем.
«Фируза оған дейін екі жекпе-жек өткізеді: біреуі 7 сәуірде Мәскеудегі «Бокс академиясында», ал екіншісі – WBC International белбеуі үшін титулдық кездесу. Ал Ева Вальстрем 6 мамырда Финляндияда америкалық қарсыласымен кездеседі», — деді боксшының менеджері AllFight.Ru басылымына берген сұхбатында.
Айта кетейік, Фируза Шәріпова соңғы рет 4 наурыз күні Юлия Чернобородовамен жұдырықтасып, төрешілер шешімі бойынша жеңіске жеткен болатын.
