Сотта Бишімбаев марқұмды не себепті шашынан сүйрегенін түсіндіріп берді, деп хабарлайды 24.kz-ке сілтеме жасаған Caravan.kz. медиа порталы.
Зардап шеккен тараптың адвокаттары Қуандық Бишімбаевтан неліктен Салтанатты VIP-кабинаға шашынан сүйреп апарғанын сұрады.
«Күштеп тұрғызғым келді, дәретханада оны тұрғызуға тырысқаным есімде, ол ұзақ уақыт тұрмады. Мен оның тез тұрып кеткенін қаладым, шынымды айтсам, уақытты босқа өткізбеу үшін. Ол орнынан тұрып, киінуін талап еттім», — деп жауап берді Бишімбаев. Бұл сұрақтың алдында Салтанат Нүкенованың ағасы Айтбек Амангелді Бишімбаевқа сұрақ қойып, одан «адамды тұрғызудың шашынан сүйреуден басқа тәсілдерін білесің бе» деп сұрады. Бишімбаев сол кезде қатты ызалы болғанын айтты.
Еске салсақ, Астанада әйелі Салтанат Нүкенованы өлтірді деп айыпталған экс-министр Бишімбаевтың соты жалғасуда.