Үкімет үйінде министр шекара маңындағы ауылдарда қазақстандық телеарналарға қолжетімділік бар екенін, бірақ техникалық тұрғыдан алғанда, телекөрсетілім сапасының жеткіліксіз екенін түсіндірді.
"Шекаралас ауылдардағы отандық арналардың хабарлары көбейіп, байланыс ұлғаяды. Бұл ауылдық аумақтарды дамытуға арналған жобамызда қарастырылған. Бұл ақпараттық саясат, отандық телевидениені бүкіл елге таратуымыз керек. Тиісінше, кей жерлерде байланыс алу үшін байланыс арналары техникалық жағынан күшейтілуі керек", — дейді Қуантыров.
Министр өзінің еліміздің периметрі бойынша шекаралас аймақтарда орналасқан барлық ауылдар туралы айтып отырғанын жеткізген.
Шекара маңындағы ауылдарды отандық телехабар таратуға қолжетімділігі мәселесі көп жылдан айтылып келеді. Телевизиялық сигналдың нашарлығына байланысты Түркістан облысының кейбір ауылдарының тұрғындары жылдар бойы көрші Өзбекстанның телебағдарламаларын қарауға мәжбүр болды, ал Ресей Федерациясымен шекарада ресейлік арналардың хабар тарату сапасы қазақстандық арналарға қарағанда әлдеқайда жақсы болуы мүмкін.
