Шиеліде сабантой бағдарламасына сай ақындар айтысы болып өтті - Қызылорда облысы

Қызылорда облысы Шиелі кентінде «Алтын күз-2010» сабантой мерекесі шеңберінде ақындар айтысы болып өтті. Оған Қызылорда облысынан басқа Алматы, Қарағанды, Шымкент, Семей, Түркістан қалаларынан айтыскерлер қатысты.

Суырып салма ақындардың аламан жарысында шымкенттік Кәрима Оралова бас бәйгеге ие болды. Оған жеңіл көлік табыс етілді. Бірінші орынды қызылордалық Мұхтар Ниязов иемденсе, екінші орынға шиелілік Мейірбек Сұлтанхан табан тіреді. Үшінші орынға семейлік Әсем Ережепқызы көтерілді.