Ширек миллиард - Павлодар облысындағы ауылдық спортқа бөлінген мақсатты трансферт

Павлодар облысының әкімі Ерлан Арын қала, аудан және ауылдық округтердің әкімдерімен болып өткен кеңесте экономика және бюджеттік жоспарлау басқармасына 2013 жылғы облыстық бюджетте ауылдық спортқа 250 млн. теңге көлеміндегі мақсатты трансфертті қарастыруды тапсырды.

Соның 150 миллион теңгесіне спорттық алаңдарды салу және 100 миллионына жабдықтарды сатып алу жоспарлануда. Аймақта денешынықтыру құрылыстары динамикалық даму үстінде. Ауылдық жерлерде 1878 спорт нысаны қызмет етуде, соның тоғызы стадион, 13-і кешен, 317 зал, 29 хоккейге арналған шағын алаң, үш жүзу бассейні, 99 ату тирі бар. Олардың спорттық құрылғылармен жабдықтану проблемаларын алдағы жылы шешу жоспарлануда.

Әріптестер жаңалығы

Пікір қалдырыңыз