Отырыста ШҚО-ның РФ және ҚХР елдерінің шекаралас аймақтарымен серіктестігі және ауылшаруашылығы саласындағы бағдарламаларды жүзеге асыру мәселелері қарастырылды, деп хабарлады облыс әкімі аппаратының баспасөз қызметінен.
Туризм және сыртқы байланыс басқармасының басшысы Жасұлан Сарсебаев, Шығыс Қазақстан облысының Ресей Федерациясы және Қытай Халық Республикасы сынды елдердің шекаралас аймақтарымен серіктестік орнатуының келешегі мен қазіргі жағдайы туралы ақпараттандырды.
Ауылшаруашылығы басқармасы басшысының міндетін атқарушы Ербол Қуанышев, Шығыс Қазақстан облысында «Сыбаға», «Құлан», «Алтын асық», «Ырыс» бағдарламаларын жүзеге асыру барысы туралы баяндады.
Облыс әкімі Даниал Ахметов күн тәртібіндегі мәселелер бойынша нақты тапсырмалар берді.
