«Шыңжаң ұйғар автономикалық ауданындағы (ШҰАА) Қашғар қаласында 30 шілдедегі түн ортасында көліктерді қиратып, көшедегілерге шабуылдаған соң, 31 шілдеде шамамен 16:00-де көшеде қарақшылар қайтадан бейбіт тұрғындарға пышақтармен шабыул жасаған», - деп жазады агенттік.
Жергілікті биліктің хабарлауынша, «Қашғар қаласында 31 шілдеде 16:00 шамасында қарақшылар тобы Сянсе көшесіндегі мейрамханаға басып кіріп, мейрамхана иесі мен 1 таяшыны өлтіріп, одан кейін ғимаратты өртеп жіберген».
«Оқиға орнына полиция мен өрт сөндірушілер келген соң, қарақшылар көшеге шығып, адамдарды пышақтай бастаған. Соның нәтижесінде 4 адам қаза болып, 12 адам жарақаттанды. Полиция бандиттерге қарсы оқ атты. Олардың 4-еуі оқиға орнында қаза болып, біреуі ауруханада көз жұмып, 3 полицей жарақат алды. Қазір полицейлер жасырынып үлгерген күдіктілерді іздестіріп жатыр. Қашғардағы негізгі көшелердегі көлік қозғалысына шектеу қойылған», - делінген хабарда.
Қарақшыларды ұстау бойынша жүргізіліп жатқан операцияны басқарушының Синьхуа агенттігіне айтуынша, екі қарақшы әлі ұсталған жоқ, сондықтан қалада оларды іздестіру жұмыстары жүргізіліп жатыр.