Үш жарым сағатқа жалғасқан тартысты кездесуде отандасымыздың дуэті қарсыластарына 4:6, 7:6, 7:6 есебімен ұтылды. Жекелей сында бірде-бір доданы ұтып көрмеген, бірақ жұптық сында WTA турнирлерінің бас жүлделерін 45 рет қанжығаға байлаған Хубер, US Open турнирін осымен екінші рет бағындырып отыр.
Естеріңізге сала кетейік, Шведова мен Кинг жұма күні өткен ширек финалдық кездесуде ресейлік Мария Кириленко мен Надя Петрова жұбын үш сетте — 7:6, 2:6, 6:3 есебімен ұтып, екінші рет турнирдің ақтық сынына жолдама алған болатын. Былтыр олар жұптасып өнер көрсетуде чемпиондық атаққа қол жеткізген еді.
