Шығыс Қазақстан облысында 300 гектар орманды алқап өртенуде

Өрт 31-тамыз күні 13 сағат 45 минутта Глуховское орман шаруашылығында басталған. Барлығы 300 гектар орманды-далалы алқапты шарпыған өрт құшағына 150 гектардағы орманды алқап ілікті. Сол күні 21 сағатта өрт ошағы ауыздықталды. Қазіргі таңда өрт сөндіру жұмыстары одан әрі жалғасуда. Оған мемлекеттік өртке қарсы күрес қызметі құрамының 55 адамы, 9 техникасы, «Семей Орманы» мемлекеттік қорығының 29 адамы мен 12 техникасы, сондай-ақ, орман қорғау қызметінің 11 десантшысы қатысуда.