«Бесқарағай ауданы Семеновка ауылындағы жанармай тарату бекетінің маңында сәрсенбі күні таңертең Өскемендегі коммуналдық-қазыналық кәсіпорынның Ми-2 тікұшағы жөндеу жұмыстарын жасау үшін Өскеменнен Ақтөбеге қарай ұшып шыққан жерінен апатты жағдайда қонды»,- деп хабарлайды мекеме.
Тікұшақ қозғалтқышы істен шығуға байланысты қонуға мәжбүр болған. «Қозғалтқыштың істен шығу себептерін анықтайтын арнаулы комиссия келгенге дейін тікұшақ қонған жерінде қала бермек. Тікұшақ күзетке алынды»,- деп хабарлайды мекеме.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті