Шығыс Қазақстан облысында жол апаты салдарынан бір адам мерт болып, жеті адам ауруханаға түсті

Шығыс Қазақстан облысында екі жеңіл автокөліктің соқтығысуы салдарынан бір адам мерт болып, жеті адам ауруханаға түсті. Бұл туралы KZ-today тілшісіне ҚР төтенше жағдайлар жөніндегі министрлігінің баспасөз қызметінен хабарлады.

Министрліктің ақпаратына сәйкес, апат 23-ақпанда Шығыс Қазақстан облысы Тарбағатай ауданы Тұғыл ауылында болған. «Тойота» және «ВАЗ-2109» автокөліктерінің соқтығысуы салдарынан ВАЗ-да отырған жолаушы әйел қаза тапты. Екі жүргізуші мен басқа жолаушылар түрлі жарақаттармен ауруханаға түсті.