Шығыс Қазақстан облысында жол апаты салдарынан үш адам оқиға орнында мерт болып, үш адам ауруханаға түсті

Шығыс Қазақстан облысының Омбы-Майқапшағай автожолында жол апаты салдарынан үш адам оқиға орнында мерт болып, үш адам ауруханаға түсті. Бұл туралы KZ-today тілшісіне ҚР төтенше жағдайлар жөніндегі Агенттігінің баспасөз қызметінен хабарлады.

Агенттік ақпаратына сәйкес, «ГАЗ-3110» автокөлігінің жүргізушісі «ВАЗ-2105» автокөлігімен соқтығысып қалды. Апат салдарынан ВАЗ жүргізушісі мен екі жолаушы оқиға орнында дүние салып, «ГАЗ-3110» автокөлігінің жүргізушісі мен тағы да екі жолаушы, оның бірі 6 жастағы қыз, ауруханаға түсті.