Шығыс Қазақстан облысында жол апаты салдарынан үш адам қаза тауып, екі адам ауруханаға түсті

Шығыс Қазақстан облысында мотоцикл мен жеңіл автокөліктің соғысуы салдарынан үш адам қаза тауып, екі адам түрлі деңгейдегі жарақатпен ауруханаға түсті. Бұл туралы KZ-today тілшісіне ҚР төтенше жағдайлар жөніндегі министрлігінің баспасөз қызметінен хабарлады.

Министрліктің түсініктемесіне сәйкес, жол апаты Үржар ауданында, Үржар-Новотроицкое автожолының 8-шақырымында болды. «Иж-Планета» мотоциклін жүргізуші «ВАЗ-21063» автокөлігімен соғысып қалған. Апат салдарынан мотоцикл жүргізушісі мен оның артында отырған екі жолаушы оқиға орнында мерт болса, «ВАЗ-21063» автокөлігінің жүргізушісі мен бір жолаушы ауруханаға жатқызылды.