Мемлекеттік ресурс пен облыстың тұрақтандыру қорына астық сатып алу жиналыстың басты мәселесіне айналды. "Биылғы жылғы түсім былтырғымен салыстырғанда айтарлықтай төмен екенін ескерсек, тұрақтандыру қорының астығы ұн мен нан бағасын ұстап тұруға мүмкіндік береді. Барлық аудандардың шаруашылықтарын алда тоннасына 200 АҚШ долларымен бекітілген бағамен мемлекеттік ресурсқа 7,1 мың тонна бидай және облыстың тұрақтандыру қорына 40 мың тонна бидай сату күтіп тұр", - деді Ә. Бергенов.