Шығыс Қазақстан облысының тұрғыны күйдіргіге шалдықты деген күдікпен ауруханаға түсті

38 жастағы Семей тұрғыны күйдіргіге шалдықты деген күдікпен қалалық жұқпалы аурулар ауруханасына түсті. Оған "карбункул сипатындағы күйдіргінің орташа ауыр түрі " деген диагноз қойылып отыр. Бұл туралы KZ-today тілшісіне ҚР төтенше жағдайлар жөніндегі Агенттігінің баспасөз қызметінен хабарлады.

Агенттік ақпаратына сәйкес, әлгі ер адам 29-маусымда Знаменка ауылдық ауруханасына түскен. Алдын-ала болжам бойынша, 14-маусымда мал сойып жатқан кезде оны бір жәндік шағып алған. Науқас пен мал сойылған жерден сынамалар алынып, Шығыс Қазақстан облыстық санитарлық-эпидемиологиялық басқармасының зертханасына жіберілді.