Шымкентте бес адам тамақтан уланып ауруханаға түсті

Шымкентте бес адам тамақтан уланып облыстық жұқпалы аурулар ауруханасына түсті. Олар автобекет маңындағы асханадан тамақтанған екен. Бұл туралы KZ-today тілшісіне ҚР төтенше жағдайлар жөніндегі министрлігінің баспасөз қызметінен хабарлады.

Науқастардың бәріне де «тамақтан улану токсикологиясы» деген диагноз қойылды. Зардап шеккендердің арасында 2 жасар бала бар. Науқастардың жағдайы орташа ауыр деп бағалануда. Бұл дерекке сәйкес тергеу амалдары жүргізілуде.