Шымкентте жалған қорытынды жасаған сот сарапшысы 3,5 жылға сотталды

Сарапшы ақшаның анықтығын айқындауға сараптама жүргізу үшін $100-лық 20 купюр алған. Ол ақшалар жол полициясының қызметкерінің пара бергендігінің заттай айғағы болған.

«Жұмаділов белгісіз біреуден түрлі түсті принтерде басып шығарылған, номерлері мен сериялары өзіндегі $100 –лық 20 дана ақша купюраларымен сай келетін ақшамен заттай айғақ ақшаларды алмастырып қойған», — деді Ш. Момынханқызы. Шын долларларды сарапшы өзінің беймәлім ымыраласына беріп, ол үшін сыйақы ретінде $1,5 алған.

«Заттай айғақтарды алмастырып қойған соң, ол сараптауға тапсырылған долларлар АҚШ-та жасалатын ақшаға сай келмейді, олар түрлі-түсті принтерде басып шығарылған деген алдын ала жалған қорытынды шығарған», — деді баспасөз хатшысы.