Астана халықаралық әуежайында оны ҚР премьер-министрі Кәрім Мәсімов пен ҚР экономикалық даму және сауда министрі Қайрат Келімбетов қарсы алды.
Сондай-ақ саммитке Үндістан сыртқы істер министрінің басшысы Малайя Кришна мен Моңғолияның президент әкімшілігінің жетекшісі Д. Баттулга келді. Бұл екі мемлекет те – Үндістан мен Моңғолия – ШЫҰ бақылаушы мемлекет болып табылады.
15 маусымда ұйымның құрылғанына он жыл толуына арналған ШЫҰ-ның мерейтойлық саммиті өтеді.
Самитте ШЫҰ онжылдық декларациясын қабылдау жоспарланған, онда ШЫҰ аясындағы алдағы бірлескен жұмыстың бағыттары белгіленеді.
Сондай-ақ, ШЫҰ-ға мүше-мемлекеттердің 2011-2016 жылдарға арналған есірткіге қарсы стратегиясы мен оны орындау бағдарламасын қабылдау көзделген.
Бұған қоса, ШЫҰ-ға мүше-мемлекет статусын алуға өтініш берген мемлекеттің міндеттері туралы меморандумға және ШЫҰ-ға мүше-мемлекеттердің арасында денсаулық сақтау саласындағы ынтымақтастық туралы меморандумға қол қою жоспарланып отыр.
ШЫҰ – 2001 жылы Қытай, Ресей, Қазақстан, Тәжікстан, Қырғызстан, Өзбекстан басшылары құрған аймақтық халықаралық ұйым.