Бұл туралы Caravan.kz медиа порталы Massaget.kz-ке сілтеме жасап хабарлайды.
«2025 жылғы 24 қаңтарда Алматыда ауаның ластануының қолайсыз метеорологиялық жағдайлары күтіледі», — делінген хабарламада.
Қолайсыз метеожағдайлар – атмосфералық ауаның жер қабатында зиянды (ластаушы) заттардың жиналуына ықпал ететін қысқа мерзімді метеорологиялық факторлардың (тымық, әлсіз жел, тұман, инверсия) жиынтығы.
24 қаңтарда Алматыда ауа райы жауын-шашынсыз болады. Кейде тұман түседі. Солтүстіктен соғатын желдің екпіні секундына 2-7 метр болады. Ауа температурасы түнде 18-20, күндіз 10-12 градус аяз.