«Қорғаншы органдарының бақылауының нашарлығынан Солтүстік Қазақстан облысының «Соколов жетім балалардың арнаулы мектеп-интернаты» басшылары тәрбиеленушілердің мүлкін өздерінше билеп төстеген»,- деді ресми өкіл.
С.Нұрпейісовтың айтуынша, тексеру бұл мектеп-интернаттың әкімшілігі 2002 жылдан бастап тәрбиеленушілердің мүлкіне өз беттерінше билік еткенін көрсетті. Олар асыраушысы қайтыс болған жағдайда берілетін жәрдем ақыны тәрбиеленушілердің атына ашылған депозит салымы бойынша жинақтаушы шотқа жіберіп отырған.
Кейбір жағдайда қорғаншы және қамқоршы органдарының өздері заңсыз шешімдер қабылдаған.
Мәселен, жекешелендіру келісім-шартына сәйкес, Алматы қаласындағы пәтердің жартысы кәмелетке толмаған Тишкинаға, ал екінші бөлігі оған қамқоршы Сувороваға тиісті еді.
Қорғаншы органдарының рұқсатымен Суворова ол пәтерді түгелдей сатып, жаңа пәтер алды. Қорғаншы жаңа үйді кәмелетке толмағанның үлесін ескермей толық өз атына жазып алады.
Сөйтіп, Әуезов ауданының қорғаншы және қамқоршы органдарының салақтықтарының кесірінен Тишкина аталған жылжымайтын мүлікке құқығын толық жоғалтады. Тек прокуратура органының араласуымен ғана кәмелетке толмаған жетім қыздың құқығы қалпына келтірілді.
Сондай-ақ, Ақтөбе қаласының прокуратурасы кәмелетке толмаған Мельниковтердің баспана құқығы бұзылғанын анықтады.
Олардың анасы 2006 жылы қайтыс болған, ол балаларымен аталарының үйінде тіркеліп, сол үйде тұрған. Мельниковтер жетім қалған соң, көршілерінің үйін паналаған, өйткені олардың туған тәтесі аталарының үйінде тұра беруге рұқсат бермеген.
Қорғаншы және қамқоршы орган болса 15 ай бойы балалардың тұрғын алаңына құқығын және үлесін анықтау жөнінде ешбір шара жасамаған.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
