Жарияланды: 520

Солтүстік Қазақстан облысында халықтың әлеуметтік тұрғыда аз қорғалған бөлігін әлеуметтік қорғаудың қосымша шараларын қарастыру ұсынылды

Монополистер белгілеген тариф күн санап өсе түсуіне байланысты Солтүстік Қазақстан облысы тұрғындарының әлеуметтік тұрғыда аз қорғалған бөлігін әлеуметтік қорғаудың қосымша шараларын қарастыру қажет. Бұл туралы Табиғи монополияларды реттеу Агенттігінің Солтүстік Қазақстан облыстық департаментінің директоры Олег Пономарев тұтынушылар құқығын қорғау жөніндегі мекемеаралық кеңестің кезекті отырысында пікір білдірді.

Жиында кедей азаматтарға тұрғын үй және коммуналдық қызмет төлемдерінен көмек беру тәртібі туралы мәселе қаралды. О.Пономаревтың айтуынша, 2004-жылы Солтүстік Қазақстан облысындағы коммуналдық қызметтер тарифінің өсімі республикалық индикативтік жоспарда көрсетілген деңгейден асып жығылуы мүмкін. Мәселен, департамент қазірдің өзінде газ қамтамасыздығы қызметінің құнын, қалалық көлік тасымалының , сондай-ақ, Петропавл нан-тоқаш комбинатында өндірілген бірінші сортты нанның бағасын қымбаттату туралы ұсыныстарды қарап жатыр. Департамент директорының пайымдауынша, шикізат, көмір және темір жол тарифтерінің өсуіне байланысты бағаның қымбаттауын тежеп қалу мүмкін болмай отыр. Сол себепті, О.Пономаревтың пікірінше, халықты әлеуметтік қорғаудың қосымша шараларын қарастыру қажет. Кеңес отырысында халықтың кедей бөлігін әлеуметтік қорғау шараларын қамтамасыз ету үшін 2004-жылғы коммуналдық қызметтер құнының болжамдық деңгейі туралы талдамалық хабарламаны облыс әкіміне жіберу туралы шешім қабылданды. 2003-жыл басынан бері Солтүстік Қазақстан облысында 7 мыңдай отбасына 35 млн. теңгенің тұрғын үй жәрдемақысы берілді.

Пікір қалдырыңыз

Пікір қалдыру тіркелген пайдаланушылар ғана мүмкін