Солтүстік Қазақстан облысындағы "Жаңажол" кеден бекетінде ұсталған радиациялық жүк жіберушіге қайтарылды

Астана. 5 қараша. "Қазақстан Бүгін" - Солтүстік Қазақстан облысындағы "Жаңажол" кеден бекетінде ұсталған радиациялық жүк жіберушіге қайтарылды, деп хабарлайды агенттік тілшісі ҚР Төтенше жағдайлар министрлігінің баспасөз қызметіне сілтеме жасап.

Бұдан бұрын да хабарлағанымыздай, 28 қазанда Солтүстік Қазақстан облысында "Жаңажол" кеден бекетінде радиациялық жүк тиелген көлік ұсталды. ТЖМ мәліметінше, 28 қазанда сағат 13.15-те Солтүстік Қазақстан облысының Мамлют ауданында "Жаңажол" кеден бекетінде радиациялық бақылау кезінде салмағы 20 тонна тот баспайтын құрыш тиелген тіркемелі "Даймлер-Крайслер" көлігінен гамма-сәуле нормасының 1,4 есе артық екені анықиалды. ТЖМ ақпаратына сәйкес, жүкті "Радар" ЖШС (Алматы) жіберген, қабылдап алушы - "Шольц-Рекуглинг" (Германия). Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті

Әріптестер жаңалығы

Пікір қалдырыңыз