Мұнай өнімдерінің қалдықтары көмілген жер Солтүстік Қазақстан облысындағы мұнай құбыры басқармасының аумағына таяу жерден, 3-3,5 метр тереңдіктен табылған.
Мазутпен ластанған жердің жалпы аумағы 208 шаршы метрді құрайды. Солтүстік Қазақстан облыстық экология басқармасының тексеруге қатысқан қызметкерлері экономикалық шығын көлемін 25,2 млн. теңгеге бағалады.
Қазір қалдықтардың кімге тиесілі екені анықталуда. Мұнай өнімдерін заңсыз көму дерегіне байланысты қылмыстық іс қозғау мәселесі шешілуде.
