Солтүстік Корея солдаттары Ресейдегі соғысқа мәжбүрлеп жіберуден қашу үшін жалған диагноз алуға өте көп қаражат жұмсауда. Бұл туралы Newsweek жазды, деп хабарлайды Caravan.kz медиа порталы.
АҚШ пен Оңтүстік Кореяның бағалауынша, Ким Чен Ын режимі Ресейге 12 мыңға жуық әскери жіберген. Олар Курск облысындағы ұрыстарға қатысып, ресейлік әскерлерге қарулы күштердің қарсы шабуылына қарсы іс-қимылға көмектеседі.
Солтүстік Корея әлемдегі ең ірі армиялардың бірі болып саналады: 1,3 млн әскери және тағы 7,6 млн резерві бар. Ерлер 10 жылдық, ал әйелдер бес жылдық қызмет өткеруге міндетті. Бұл режим ел тұрғындарының өз жақындарын мобилизациядан құтқару жолдарын іздеуге мәжбүрлеп отыр.
БАҚ ақпараты бойынша, туберкулез туралы жалған анықтама сатып алу құны өткен жылмен салыстырғанда бес есеге — 100-ден 500 долларға дейін өсті. Көптеген отбасылар үшін бұл үлкен сома, себебі Солтүстік Кореяда мемлекеттік қызметкердің орташа айлық жалақысы небәрі 1-3 долларды құрайды. Соғыстан құтылу үшін халық бұл ақшаны төлеуге дайын.
Айта кетейік, ҚХДР дүние жүзінде туберкулезбен көп ауыратн елдердің бірі. Бұл дәрі-дәрмектің жетіспеушілігі, дұрыс тамақтанбау және денсаулық сақтау жүйесінің жалпы бұзылуына байланысты.