Танымал әнші Алмас Кішкенбаев қамаудан шықты. Осы даулы оқиғадан кейін алғаш рет желіге шығып, пікір білдірді, деп хабарлайды Сaravan.kz медиа порталы.
Әнші барша қолдау көрсеткен қауымға алғыс білдіріп, сол оқиғаны пайдалана отырып, хайп қуғандарға ренішін жеткізді.
«Бәрі аяқталған соң ақпаратты өзім берейін деп ойлаған едім. Барлығы жарыса жазыпты. Жарайды. Заңға бағынам. Бірақ маған тағылған айыппен келіскен емеспін. Келіспеймін де. Барлығы шүкір аяқталды. Соттың шешімі бар. Мен заңнан биік емеспін», — дейді әнші.
Кішкенбаев соттың шешімін мойындайтынын, алайда тағылған айыппен ешқашан келіспегенін және келіспейтінін жеткізді. Сондай-ақ ол жайтқа байланысты ешкімнен сұрақ күтпейтінін, оқиғаға осымн нүкте қоюды талап етті.
Айта кетейік, бұған дейін 40 жасар өнер иесі 17 жастағы жасөспірімге тиісті деген айыппен 15 күнге қамауға алынған еді.