"Союз-ФГ" зымыран тасығышы 13-тамызда ұшырылады

АҚШ-тың "Galaxy-14" телекоммуникациялық аппаратын алып ұшатын "Союз-ФГ" зымыран тасығышы Байқоңыр ғарыш айлағынан 2005-жылдың 13-тамызында 3 сағат 28 минутта ұшырылады деп межеленген. Бұл туралы KZ-today тілшісіне "Байқоңыр" Федералдық ғарыш орталығынан хабарлады.

Орталықтың ақпаратына сәйкес, бүгін Байқоңырда зымыран тасығышты дайындауға бағытталған екінші күнгі жұмыстар жалғасуда. Роскосмос кәсіпорнының қызметкерлері үдеткіш блоктың ұшырылымға дайындығына қатысты бақылау есептерін жасауда.