Бұл жолы желі қолданушылары жаңа басшы Ерхат Есқалиев пен бақылау кеңесінің хатшысы Азат Есқалиевтіі тегінің ұқсастығы. Екеуі туыс деген ақпаратқа компанияның баспасөз қызметі түсінік берді.
Бұл ақпарат шындыққа сай келмейді. Ерхат Серікұлы Есқалиев пен Азат Маратұлы Есқалиевтің бар болғаны тегі бірдей. Алайда туыс емес. Ерхат Есқалиев "СҚ- Фармация" ЖШС басқарма басшысы қызметіне 2020 жылдың 12 шілдесінде тағайындалды. Бұған дейін ол 2016 жылдан бері тәуелсіз директор ретінде компанияның бақылау кеңесі құрамында болған. Азат Есқалиев бақылау кеңесінің хатшысы қызметін 2020 жылдың 15 сәуірінен атқарып жатыр. Оның алдындағы хатшы өз еркімен жұмыстан шығуға өтініш тапсырған, — дейді баспасөз қызметі.
Айта кетейік, Қасым-Жомарт Тоқаев үкіметтің кеңейтілген отырысында әлеуметтік медициналық сақтандыру қоры мен "СҚ-Фармация" ЖШС басшыларын жұмыстан босатуды тапсырған. Сөйтіп, бұрынғы төраға Берік Шәріп қызметінен кетті.