СҚО әкімі «Мартин Лютер одағы» халықаралық шіркеуаралық ұйымының бас хатшысымен кездесті

деп хабарлады аймақ басшысының баспасөз қызметі. Кездесуге сонымен қатар Қазақстанның Евангелие-лютеран шіркеуінің епископы Юрий Новгородов пен Қазақстанның Евангелие-лютеран шіркеуінің пасторы Станислав Микула қатысты. Жиын барысында өңір басшысы меймандарға еліміздегі діни қатынастарды реттеу бағытындағы салиқалы саясат жайлы ақпарат берді. Қазақ елінің бірегейлігі - оның көпұлтты және көпконфессиялы мемлекет болуында. Қазіргі уақытта республикада 100-ден астам этнос пен 40-тан аса дін өкілдері тату-тәтті ғұмыр кешуде. Мемлекеттік саясаттың негізін қоғамдағы тұрақтылық пен адамзат құндылықтарының мызғымас кепілі құраған. Бүгінде Солтүстік Қазақстан облысында 260 діни ұйым жұмыс істесе, оның 5-еуі евангелие-лютерандық бағытты ұстанушылардікі. Серік Біләлов облыстың атқарушы органдары мен діни бірлестіктері алдағы уақытта әріптестік қарым-қатынастарын нығайта түседі деген сенім білдірді.