Фотокөрме келушілерді Қазақстанның үлкен қалаларының көрікті жерлері, мәдени және тарихи ескерткіштері, қайталанбайтын және бірегей табиғатының әсем көріністері мен жануарлар дүниесі бейнеленген фотосуреттер жиынтығымен таныстырады.
Іс-шараға түрік зиялы қауымының, шығармашылық одақтарының, академиялық, қоғамдық-саяси топтарының, Ыстамбұл қаласы дипломатиялық корпусының және т.б. өкілдері қатысты.
Фотокөрменің ашылуында сөз сөйлеген Елші Жансейт Түймебаев Қазақстан мен Түркия арасындағы саяси, экономикалық және мәдениет салаларындағы ынтымақтастықтың жоғары деңгейіне тоқталды және көрменің бауырлас екі ел өнер адамдарының шығармашылық қатынастарын жандандырудағы және бір-бірімен жақындастырудағы рухани дәнекерлік рөлінің маңызы зор болатындығын атап өтті.
